पर्वत माघ १ । पर्वत क्याङ गाविस वडा नम्बर २ लेस्पारको अधेरी खोलामा निर्मित पुलको बिहिबार एक कार्यक्रमका बिच उद्घाटन गरिएको छ ।
बृटिस कादुरी प्रोजेक्ट पोखराको ३६ लाख ५९ हजार ६ सय ४५ र ३८ हजार ३ सय ५० रुपया बराबरको स्थानिय श्रमदान गरि निर्माण गरिएको ८४ मिटर लम्बाई रहेको उक्त पुलको उद्घाटन गोरे बहादुर फकामीले गरेका हुन् ।
पुल निर्माण भएपछि भुकताङले देउपुर देउराली क्याङ धाइरिङ शालिजा र लेखफाटका बासिन्दालाई ओहोर दोहोर गर्न सहज हुने बताइएको छ ।
संस्थाले पुल निर्माणका साथै लेस्पारबासीका गरिब तथा जेहेन्दार ८ जना बिद्यार्थीलाई ३ महिना देखी १५ महिना सम्म सम्पुर्ण खर्च बेहोर्ने गरी निशुल्क सिपमुलक तालिम प्रदान गर्ने भएको छ ।
सोही अवसरमा शालिजा मावि लेस्पारका बिद्यालय व्यवस्थापन समितिका अध्यक्ष मन कुमार पाइजा पुनले आफ्नो व्यक्तिगत रुपमा दिनुभएको १ लाख २० हजार सहयोगबाट निर्माण गरिएको २ कोठे शौचालयको पनि उद्घाटन गरेका छन् ।
No comments:
Post a Comment