म्याग्दीको सदरमुकाम बेनीबजारलाई राष्ट्रिय राजमार्गसंग जोड्नका लागि चौध वर्षअघि निर्माण गरिएको सडक कालोपत्रे गर्न भारत सरकारको आठ करोड ५० लाख रुपैयाँको ऋण सहयोग गरेपछि त्रि्रताका साथै काम भइरहेको छ ।
र्
पर्वतको मालढुङ्गादेखि म्याग्दीको सदमुकाम बेनीबजारसम्मको १३ किलोमिटर सडकको ट्र्याक खोल्ने काम २०५२ सालमा निर्माण सम्पन्न भएरपनि राजनीतिक अस्थिरता र पहुँचवालाहरूको बेवास्ताका कारण अहिलेसम्म कालोपत्रे हुन नसकेकोमा यसै वर्षेखि कालोपत्र कार्यलाई त्रि्रता दिइएको जिसि एण्ड कसर उद्योगका सञ्चालन नारायण जिसिले बताए । उनले भने,’ स्थानिय र राजनैतिक दलको अवरोध नभएमा एक बर्षभित्र काम सम्पन्न हुने छ ।’ ओटासिल प्रविधिकको कालोपत्रेलाई गुणस्तर बनाउन निर्माणस्तरमै ल्याव समेत बनाइएको उनले बताए ।अहिलेसम्म करिव तिन मिटरमात्र चौडा रहेको यो सडकका छेउतिर ग्याविन जाली लगाइनुका साथै भिरालो साँघुरो क्षेत्रमा डोजर लगाई फराकिलो पार्ने काम समेत भएको छ । सडकको प्रत्येक क्षेत्रमा दुइवटा गाडी छिर्नसक्नेगरि पाँच मिटर चौडा कालोपत्रे गर्ने मापदण्ड रहेको र त्यस्तो मापदण्डअनुसार पिच गर्दा अनुमानित लागतमा करिव ३० प्रतिशत बढ्ने अनुमान गरिएको छ ।
निर्माण कार्यलाई स्थानिय युवाहरूले समेत आवश्यक सहयोग गरिरहेको पर्वत धाइरिङका युवा सुवास आर्चायले बताए । ‘आफ्नो क्षेत्रमा हुन लागेको कालोपत्रेले स्थानियबासिन्दालाई नै सघाउने भएकाले यसलाई छिटो सम्पन्न गर्न हामीले सहयोग गरिरहेका छौ ‘ आर्चायले भने । अहिले र्सवसाधारणले१३ किलोमिटरको यात्रा गरेबापट १ सय रुपैया तिर्ने गरेका छन् ।
सडकखण्ड अन्तरगत मालढुङ्गादेखि बेनीसम्मको कालोपत्रे हुने भएपछि म्याग्दीर्,पर्वत र मुस्ताङ जिल्लाका बासिन्दालाई सहज आवतजावतमा सुविधा हुने भएको छ । सडक विभागले जिम्मा लिएपछि हालै मात्र सडक मर्मतका लागि राखिएको ढाँट हटाइएको छ । कालोपत्रे समयमै सम्पन्न भएमा धौलागिरि अञ्चलको पर्यटनका साथै स्थानिय उत्पादनलाई समेत बजारीकरण गर्न निकै सहयोग मिल्ने अपेक्षा लिइएको छ
No comments:
Post a Comment